Artearekiko eta artistarekiko errespetua eta enpatia sustatzea.

Bisitariek arteari buruz iritzi eta irizpide desberdinak izan ditzaten ahalbidetzea.

Arte- eta hezkuntza-praktika ezagutza eraikitzeko eta sortzeko tresna gisa ulertzea.

Ikasketa partekatu eta kooperatiboaren alde egitea, baita norberaren espiritu kritikoa garatzearen alde ere.

Sormenak, irudimenak, emozioak eta gozamenak zeharkako ikasprozesuetako tresna gisa duten garrantziaz ohartaraztea.

Irakasleek, Museoko hezitzaileek eta artistek ikasprozesuetan duten zeregina handitzea.

Museoa ikasteko gune eta tresna gisa erabiltzea.

EAEko eragile eta erakunde kulturalekin trukea sustatzea, hainbat diziplinatako jarduerak biltzen dituen programazio bat sortzeko eta gure inguruan garatzen diren proposamen eta proiektuen aberastasuna eta ugaritasuna ezagutarazteko.

Dauden komunitateen aniztasuna ikusgai jartzea, eta Museoa topaleku eta ezagutza sortzeko gune gisa indartzea, baita ingurune hurbilenarekin elkarrizketa sortzeko eremu gisa ere, horrek sozialki anitzak diren testuinguruek elkar ulertzea ahalbidetzen baitu.

Hezkuntza-esperientzia eta ikasteko modua desberdinak eskaintzea.

Hezkuntza-programazioa pertsona guztiei zuzentzea, bai Museora etortzen direnei, bai etortzerik ez dutenei ere.

Artista eta ikasleei zuzendutako nazioarteko prestakuntza-programak sortzea, Guggenheim Bilbao Museoa Guggenheim Sareko kidea dela aprobetxatuz.

Hospitalitateak duen garrantzia nabarmentzea ekintza ugariren bidez, oroimenean geratuko den eta ongizatea eta komunikazio asertiboa nagusi izango dituen museoko esperientzia bat izaten laguntze aldera.