Bitartekaritza
Arteaz konplexurik gabe hitz egitea, artea esperimentatzea eta Museora egindako bisitaldian zehar modu erraz eta eskuragarrian aztertzea erraza da garatzen ditugun baliabide eta programei esker.
Bisita egiteko aukera ugari eskaintzen ditugu, taldean edo banaka, eta informazio- eta ezagutza-maila ezberdinetara egokitutako espazioak, jarduerak eta tresnak eskaintzen ditugu, aldi baterako erakusketez, Museoaren Bildumaz edo eraikinaren arkitekturaz gozatzeko eta horietaz gehiago jakiteko.
Berrikuntzarekiko eta edukien irisgarritasunarekiko konpromisoaren baitan, Museoak esperientzia digital aitzindari bat jarri du abian, Bildumaren bitartez beste bisitari eta artelan batzuekin konektatzeko aukera ematen duena. Museoko aretoetan gelditu, arretaz behatu eta artea ohikoa ez den modu berezian sentitzeko gonbidapena luzatzen duen esperimentu kolektiboa da.
Bisita gidatu esklusiboak
Langile kualifikatuek emandako bisitak.
Gida profesionalek eraikinaren arkitektura eta erakusketen obrak komentatzen dituzte.
Bisitaren edukiari dagokionez lehentasunen bat izanez gero, garrantzitsua da gidariari jakinaraztea bisitaren hasieran edo erreserba egiteko unean.
Bisita euskaraz, italieraz, alemanez edo behar berezietan egin nahi izanez gero, bidali e-maila helbide honetara: información@guggenheim-bilbao.eus
Guggenheim +
Frank Gehryren eraikineko espazioak eta lekuak ezagutu nahi dituzu, hots, publikoarentzat irekita ez daudenak, eta, horrez gain, erakusketak bisitatu? Har ezazu parte bisitaldi esklusibo honetan, Museoko gidari profesionalen eskutik.
Audioguías
Las audioguías permiten realizar un recorrido autónomo por las exposiciones a través de una selección de las obras más representativas de cada muestra. Ante la imposibilidad actual de entregar los equipos físicos, podrás descargar la aplicación de las audioguías en tu móvil.
Didaktika
Didaktika proiektuaren barruan, Museoak espazio didaktikoak eta jarduera bereziak diseinatzen ditu, erakusketen osagarri gisa, eta erakutsitako obrak ikusten eta ulertzen laguntzeko tresnak eta baliabideak eskaintzen ditu. Informazio gehiago aurkituko duzu web gunean, erakusketa bakoitzeko Ba al zenekien…? atalean.
Babeslea:
