Gego. Infinitua neurtzen
2023.11.07 - 2024.02.04
Guggenheim Bilbao Museoak Gego. Infinitua neurtzen aurkezten du, Gego ezizenez ezaguna den Gertrud Goldschmidt (Hanburgo, 1912–Caracas, 1994) artista germaniar-venezuelarrari eskainitako atzera begirakoa. Erakusketak artistaren lanaren ikuspegi integratzailea aurkezten du, eta hark abstrakzioaren lengoaiaz zuen ikuspegi berezia arakatzen du. Kronologikoki eta gaika antolatuta dago, eta artistak egindako ekarpen formalak eta kontzeptualak aztertzen ditu hark ekoitzitako forma organikoen, egitura linealen eta abstrakzio modularren bidez.
1950eko hamarkada hasieratik 1990eko hamarkada hasierara arteko 150 objektu inguru biltzen ditu, nola diren eskulturak, marrazkiak, grabatuak, ehunak eta artista-liburuak, baita zirriborroak, argitalpenak, gutunak eta instalazioen zein obra publikoen argazkiak ere. Gegoren arte-ibilbide luzeak hainbat testuinguru artistiko zeharkatu zituen Latinoamerikan; honako azterketa honek haien baitan kokatzen du artistaren praktika, eta jardunbide horrek nazioarteko funtsezko mugimenduekiko —abstrakzio geometrikoarekiko eta arte zinetikoarekiko, besteak beste— izan zituen elkarguneak eta hausturak ere arakatzen ditu.
Gego alemaniar familia judu batean jaio zen, eta arkitektura- eta ingeniaritza-ikasketak egin zituen Technische Hochschule Stuttgart-en (gaur egun, Stuttgarteko Unibertsitatea). 1939an, nazien jazarpenetik ihesi, Venezuelara emigratu zuen, eta bertan finkatu zen behin betiko. 1953an artegintzan hasi zen, eta lau hamarkada baino gehiago eman zituen jardun horretan. Artistak lerroaren, espazioaren eta bolumenaren arteko harremana aztertu zuen hainbat bitarteko erabilita sortu zituen bi eta hiru dimentsioko lanetan. Beste arlo batzuekin zuen konpromisoa, hala nola arkitekturarekin, diseinuarekin eta hezkuntzarekin, haren ikerketa-lanaren osagarri izan zen.
XX. mendearen bigarren erdian Latinoamerikako eszenak eman zuen artistarik esanguratsuenetako bat da Gego, bide nabarmenki pertsonala urratu zuen bere ibilbide artistikoan, eta, beraz, ezinezkoa da haren inguruko kategorizaziorik ezartzea. Gegok ideia erradikalak eskaini zituen egitura-sistemei buruz egin zituen ikerketen bidez, eta, bere corpus artistiko berezian, metodikoki jorratu zituen gardentasuna, tentsioa, hauskortasuna, harreman espazialak eta mugimenduaren efektu optikoak. Atzera begirako erakusketa historiko honek agerian uzten du haren diziplina anitzeko jardunaren zabaltasuna, eta artista eta bere obra hobeto ulertzen eta balioesten laguntzen du testuinguru globalean.
Museoak eskerrak eman nahi dizkie Gego Fundazioari eta haren zuzendari diren Tomás Gunz eta Barbara Gunzi, baita Kontseiluari eta fundazioko langileei ere, erakusketa antolatzeko eman duten laguntza paregabeagatik.
Aretoa: 105
Komisarioa: Geaninne Gutierrez-Guimarães
Egoitzak: Museu de Arte de São Paulo Assis Chateaubriand–MASP; Museo Jumex, Mexico Hiria; Solomon R. Guggenheim Museum, New York; Guggenheim Bilbao Museoa
Erakusketa Guggenheim Bilbao Museoak antolatu du, honako hauekin lankidetzan: Solomon R. Guggenheim Museum, New York; Museo Jumex, Mexiko Hiria; eta Museu de Arte de São Paulo Assis Chateaubriand–MASP. Erakusketa ondokoek garatu dute: Julieta González, Zuzendari Artistikoa, Inhotim Institutua, Brumadinho, Brasil; Geaninne Gutierrez-Guimarães, Atxikitako Arte-arduraduna, Guggenheim Bilbao Museoa eta Solomon R. Guggenheim Museum and Foundation, New York; eta Pablo León de la Barra, Arte-arduradun orokorra, Latinoamerika, Solomon R. Guggenheim Museum and Foundation, New York; hauekin lankidetzan: Tanya Barson, Kontserbazio-buru ohia, Museu d’Art Contemporani de Barcelona; eta Michael Wellen, Senio Arte-arduraduna, Nazioarteko Artea, Tate Modern, Londres.
Gego Reticulárea muntatzen Museo de Bellas Artesen, Caracas, 1969
Argazkia: Juan Santana
© Fundación Gego
Bisita birtuala
Erakusketa
Gego (Gertrud Goldschmidt) (1912-1994)
Titulurik gabea, 1954
Tinta paper gainean
29,3 × 23,4 cm
Colección Fundación Gego, Caracas. Gordailuzaina: Kunstmuseum
Stuttgart, Stuttgart
© Fundación Gego
Argazkia: Frank Kleinbach, Archivo Fundación Gego
Gego (Gertrud Goldschmidt) (1912-1994)
Sin título, 1955
Témpera sobre cartulina
27,6 × 34,8 cm
Colección Fundación Gego, Caracas.
Custodia en el Kunstmuseum Stuttgart, Stuttgart
© Fundación Gego
Foto: Frank Kleinbach, Archivo Fundación Gego
Gego (Gertrud Goldschmidt) (1912-1994)
12 zirkulu zentrokide (12 círculos concéntricos), 1957
Aluminioa eta pintura
37 x 29 x 24 cm
Bilduma pribatua, Austin
© Fundación Gego
Argazkia: Tasnadi. Eskaintza: Archivo Fundación Gego
Gego (Gertrud Goldschmidt) (1912-1994)
Sin título, 1958
Tinta sobre papel
21,6 x 14,3 cm
Colección MACBA. Consorcio MACBA.
Depósito Fundación Gego
© Fundación Gego
Foto: FotoGasull, Cortesía MACBA Museu d’Art Contemporani de Barcelona
Gego (Gertrud Goldschmidt) (1912-1994)
Titulurik gabea (Tamarind 1851) [Sin título (Tamarind 1851) ], 1966
Litografia paper gainean
51,5 × 51,2 cm, ed.: LP1
Colección Fundación Gego, Caracas. Gordailuzaina: Kunstmuseum
© Fundación Gego
Argazkia: Frank Kleinbach, Archivo Fundación Gego
Gego (Gertrud Goldschmidt) (1912-1994)
Sin título (Tamarind 1843IV), 1966
Litografía sobre papel
47 x 32 cm, edición 1/20
Colección Fundación Gego, Caracas.
Custodia en el Kunstmuseum Stuttgart, Stuttgart
© Fundación Gego
Foto: Frank Kleinbach, Archivo Fundación Gego
Gego (Gertrud Goldschmidt) (1912-1994)
Zutabea (Columna), 1972
Altzairua, aluminioa eta kobrea
229,8 × 140,1 × 149,9 cm
Colección Ella Fontanals-Cisneros, Miami
© Fundación Gego
Argazkia: Oriol Tarridas, Eskaintza: CIFO Cisneros Fontanals
Art Foundation
Gego (Gertrud Goldschmidt) (1912-1994)
Tronco Nº 5, 1976
Acero
179 × 73 × 73 cm
Colección Particular, Austin
© Fundación Gego
Foto: Thomas R. DuBrock, Cortesía
The Museum of Fine Arts, Houston
Gego (Gertrud Goldschmidt) (1912-1994)
Titulurik gabea, ca. 1987
Zuntz sintetikoa eta zura
200 × 201 × 4 cm
Colección Fundación Gego, Caracas
© Fundación Gego
Argazkia: Reinaldo Armas Ponce, Eskaintza: Archivo Fundación Gego
Gego (Gertrud Goldschmidt) (1912-1994)
Sin título, s.f.
Hilo sintético, estambre y acero,
49 × 22 cm
Colección Fundación Gego, Caracas
© Fundación Gego
Foto: Mario Goncalves, cortesía Archivo Fundación Gego
Gego (Gertrud Goldschmidt) (1912-1994)
Paperik gabeko marrazkia 79/22 (Dibujo sin papel 79/22), 1979
Brontzea, altzairua eta burdina
60,7 x 56,5 x 4 cm
MACBA bilduma. MACBA partzuergoa. Gordailua: Fundación Gego
© Fundación Gego
Argazkia: Tony Coll, Eskaintza: MACBA Museu d’Art Contemporani de Barcelona
Gego (Gertrud Goldschmidt) (1912-1994)
Dibujo sin papel, 1985
Hierro y pintura
63 × 54,5 × 21 cm
Colección particular
© Fundación Gego
Foto: Barbara Brändli
Gego (Gertrud Goldschmidt) (1912-1994)
Zomorroa 87/9 (Bicho 87/9), 1987
Burdina eta pintura
41 x 65 x 71 cm
MACBA bilduma. MACBA partzuergoa. Gordailua: Fundación Gego
© Fundación Gego
Argazkia: FotoGasull, Eskaintza: MACBA Museu d’Art Contemporani
de Barcelona
Gego (Gertrud Goldschmidt) (1912-1994)
Bichito 89/22, 1989
Hierro, cobre, plástico y pintura
13,5 x 9,5 x 9 cm
Colección MACBA. Consorcio MACBA. Depósito Fundación Gego
© Fundación Gego
Foto: FotoGasull, Cortesía MACBA Museu d’Art Contemporani de Barcelona
Ba al
zenekien...?
In Focus Gego
Didaktika proiektuaren baitan, Museoak erakusketen osagarri diren hezkuntza-guneak, eduki digitalak eta jarduera bereziak diseinatzen ditu ikusgai dauden artelanak hobeto ulertzen laguntzeko tresnak eta baliabideak eskaintzeko.
Gego Biografia
1912 Gertrud Louise Goldschmidt (Gego) Hanburgon jaio zen abuztuaren 1ean familia judu liberal batean.1932 Ingeniaritzan eta arkitekturan lizentziatu zen Technische Hochschule Stuttgarten.
