Aurrekoak

Erakusketak

Kontsultatu beharrezko informazio guztia Guggenheim Bilbao Museoan oraingo erakusketen eta aurki izango direnen inguruan.

Erakusketak | Guggenheim Bilbao Museoa

Aurrekoak | Guggenheim Bilbao Museoa

Yoshitomo Nara

Audiogida

Entzuteko gidaren planoa

Inaugurazio-hitzaldia

Bisita pribatua komisarioarekin

Fundación BBVA

Leku bakarti bat

Falta zenaren bila

Hementxe daukat behar dudan guztia

Lurrikararen ostean

Isil-isilik gogoetan

Tradizioarekin elkarrizketan

Lerroak marraztuz eta bakea defendatuz

Yoshitomo Nara bere belaunaldiko artistarik ezagunenetako bat da. Haren lanaren bereizgarri dira buru eta begi handidun karikatura-itxurako haur-irudi ausartak, liluragarri bezain desafiatzaile eta lotsagabeak batzuetan, malenkoniatsu eta zalantzatiak besteetan, denboraren poderioz gero eta lasaiago eta gogoetatsuago bihurtu direnak. Narak artearen munduan berehalako onespenik jaso ez bazuen ere, haren estilo grafiko berritzailea erabat finkatuta dago gaur egun.
Nararen pertsonaiak —haren haurrak, animaliak eta izaki hibridoak— bere buruaren isla dira, bere emozioen eta barru-barruko pentsamenduen irudikapen plastikoa, eta agerian uzten dute bere humanismoaren sakontasuna. Hainbat dira Nararen sorkuntza-iturriak: haurtzaroko oroitzapenak —memorian betiko gordeak—, musikaz eta literaturaz duen ezagutza, Japoniako eta Europako artearen historia —artistaren jakin-min aseezinarekin aberastua—, bai eta Japonian eta atzerrian egindako bidaietan aurkitutako jende eta kultura ezberdinekin izan dituen enpatiaz betetako hartu-eman aberatsak ere.
Jarrera ausarta eta espiritu librea izateagatik ezaguna den artista honek beti sentitu izan du grina folk, rock eta underground punk musikarekiko. Gizatasunarekiko eta gizartearekiko duen inplikazio sakona abiapuntu hartuta, guztiona den mundu honekin konprometitutako lanak sortzen ditu Narak, eta hainbat gairi buruzko ideiak aztertzen eta proposatzen ditu horietan, nola diren etxea, komunitatea, natura, ingurumena eta esparru horien arteko loturak.
Nara 1959an jaio zen Hirosaki kanpoaldean, Japonia iparraldean. Pintura ikasi zuen Aichi prefekturako Arte Ederren Unibertsitatean, eta 1980ko hamarkadaren amaieran Alemaniara joan zen Düsseldorfeko Kunstakademie entzutetsuan ikastera. Hamabi urte igaro zituen herrialde hartan, eta urte haietan bere lengoaia piktoriko berezia garatzen jarraitu zuen. 2000. urtean Japoniara itzuli zen, eta bertan bizi da gaur egun; lan ere bertan egiten du. Nararen arteak harreman zuzena du artistaren historiarekin eta haren bizi-esperientziekin. Japonian igarotako haurtzaro-garaiko oroitzapenez —batez ere bakardade-sentsazioaz— eta atzerrian egindako egonaldiaren gomutaz —bertako hizkuntza ez hitz egiteagatik Alemanian ezagutu zuen isolamendu-sentsazioa ahaztu gabe— elikatzen da Nararen lanaren muina.
Atzerabegirako hau ez dago kronologikoki antolatuta, gaika baizik. Narak berariaz egituratu du horrela bere gako pertsonalak eta emozionalak ezagutarazi ahal izateko. Bere asmoa bere artista-nortasuna erakustea da, baita bere sorkuntza-prozesuan interesgarriak eta funtsezkoak diren ideiak ere: behin eta berriz errepikatzen dituen gaiak, bere ikuspegi formalaren garapena eta baliatzen dituen tekniken aniztasuna.
Erakusketak “Nararen mundu” iradokitzailean murgiltzen gaitu azken lau hamarkadetan egindako hainbat lanen bitartez. Nararen ikonografia originala eta iraunkorra da: ondo erakusten du artistak bere ibilbide osoan izandako pentsamendu-jarraitutasuna, eta haren bilakaera estilistikoa azpimarratzen du. Narak margolaritzat du bere burua, baina gaietako bakoitza jorratzeko bestelako bitartekoak edo formatuak ere erabiltzen ditu, hala nola marrazkia, eskultura eta instalazioa.
Aretoa: 105 
Komisarioa: Lucía Agirre 
Egoitzak: Guggenheim Bilbao Museoa; Frieder Burda, Baden-Baden Museoa; Hayward Gallery-Southbank Centre, Londres
 
Yoshitomo Nara 
Putzurik sakonenean (In the Deepest Puddle II), 1995 
Akrilikoa kotoi gainean mihise gainean muntatua 
120 x 110 cm 
Takahashi Collection 
© Yoshitomo Nara, eskaintza: Yoshitomo Nara Foundation

Haurtzaroa

Atzerrian

Japoniara bueltan

Japoniako ekialdeko lurrikara handia

Museoan

Erakusketa bideoa

Yoshitomo Nara erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.

HASI

BISITA BIRTUALA

Yoshitomo Nara bere belaunaldiko artistarik ezagunenetako bat da. Haren lanaren bereizgarri dira buru eta begi handidun karikatura-itxurako haur-irudi

Yoshitomo Nara | Guggenheim Bilbao Museoa

Anthony McCall: Segundo-frakzioa

Mugimendudun irudiari lotutako praktika artistikoei eskainitako erakusketa-programazioaren hamargarren urteurrenarekin bat eginez, Anthony McCallen (Orpington, Erresuma Batua, 1946) obra filmiko eta erabat abstraktua izango dugu Film &amp; Video aretoan. Modu bereizgarrian eta beti ere enigmatikoan, proiekzio zinematografikoa eta fenomeno eskultorikoa bateratzen ditu New Yorken bizi den artista britainiarraren lanak; baina espazio-marrazkiaren edo argi-artearen ikuspegitik ere beha daiteke lan hori. Hirurogeita hamarreko hamarkadatik gaur arte, McCallek “argi solidoaren” kontzeptuaren inguruan egin du lan: argi-planoen proiekzio kontrolatuak erakusketa-gune batean eragiten duen bolumen-efektua adierazten du nozio horrek.
Modu horretan, artistak hipnotikoki eta modu ukiezinean mugitzen diren formak sortzen ditu aretoko ilunantzean. Bilduman dauden Richard Serraren eta Lucio Fontanaren obrekin elkarrizketa argia eginez, erakusketa honetan bildutako pieza-multzo berri-berria Museoko erakusketa-gunerako berariaz pentsatuta dago. Artelanekin batera, artistaren artxiboko elementu argitaragabeak ere egongo dira ikusgai, McCallek azken hamarkadetan egindako ikerketa testuinguruan kokatzen laguntzeko.
Aretoa:103 
Komisarioa: Manuel Cirauqui
 
Anthony McCall 
Aurrez aurre (Face to Face), 2018 
Erakusketaren ikuspegia, Hepworth Wakefield, Erresuma Batua, 2018 
Argazkia: Darren O’Brien/Guzelian Pictures. Artistaren eskaintza

Mugimendudun irudiari lotutako praktika artistikoei eskainitako erakusketa-programazioaren hamargarren urteurrenarekin bat eginez, Anthony McCallen

Anthony McCall: Segundo-frakzioa | Guggenheim Bilbao Museoa

“Naturak, florak eta faunak gauza eta balio ugari erakusten dizkigute arretaz begiratuz gero; horietako bat denborak izaki bizidunen hazkundean eta garapenean duen garrantzia da&#8230;”

Artistak

Elssie Ansareo

“Gure inguruan dugun presentzia eta harekiko daukagun elkarreragina beste inon ez bezala nabari dira Zugaztietan&#8230;”

Ibon Garagarza

“Aurtengo esperientzia zirraragarria izan da. Ikasleen eta irakasleen parte-hartze aktiboak bideratu du proiektu osoa&#8230;&#8221;

Zaloa Ipiña

“Artearen historiaren eta elikaduraren arteko elkargunea aztertzea izan da gure lanaren ardatz nagusia ikasturte honetan&#8230;&#8221;

Nerea Lekuona

“Badira konbergentziak nire hezitzaile-lanaren eta nire artista-lanaren artean. Hezkuntza-proiektuen bidez, neure lan artistikoan garatzen ditudan kezkak eta interesak esperimentatzen ditut&#8230;&#8221;

Maider López

“Artearen munduko kontzeptuek eta egiteko moduek —hala nola abstrakzioak, sinbolikotasunak edo metaforek— errealitatea beste ikuspuntu batetik behatzeko aukera ematen dute, eta horiexetan oinarritzen da praktika hau&#8230;&#8221;

Manu Muniategi

Artea ikasbide

5. eta 6. mailako 10 ikasle, Escolapios Calasanz ikastetxea, Vitoria-Gasteiz

Jateko moduko artea

1. eta 6. maila bitarteko 16 ikasle, La Arboleda ikastetxea, Trapagaran

Iraganaren eta etorkizunaren arrastoak

2. mailako 21 ikasle, Artatse ikastetxea, Bilbo

Bizidun paisaiak

2. mailako 21 ikasle, Eretza Berri ikastetxea, Sodupe

Naturaren aldaketak

5. eta 6. mailako 17 ikasle, Manuela Zubizarreta ikastetxea, Etxebarria

Baratzea zaintzearen ardura

6. mailako 13 ikasle, Katalin Erauso ikastetxea, Donostia

Gure ezaugarri komunak

Artea ikasbide hezkuntza-programa arteaz baliatzen da metodologia berezi baten bidez Lehen Hezkuntzako curriculuma indartzeko. 2023–24 ikasturtean, sei ikastetxetako neska-mutilek Museoko beste horrenbeste artista izan dituzte bidelagun sormenez betetako abentura batean. Proiektu artistiko ugariren bitartez, hainbat eduki jorratu dituzte hogei saiotan zehar: elikadura osasungarriaren garrantzia, pertsonen arteko hartu-emanen bilaketa, natura eta ingurunea ulertzeko begirada berritzaileak eta abar luze bat. Bideoa, pintura, argazkilaritza zein eskultura baliatuta, ikasleek errealitatea esploratu eta ulertu dute, baita elkarlanerako trebetasunak, sormena eta irudimena sendotu ere. Euren sormenprozesuak abiatu eta garatzera bultzatu ditugu ikasleak; pentsatzera, baloratzera, aukeratzera, probatzera, zalantza egitera eta dibertitzera; batzuetan baita galtzera ere, eta, jakina, huts egitera, akatsik gabe ez baitago aurrera egiterik.
Hezkuntza-programa artistiko honen azken urratsa ikasleen proiektuak Museoan ikusgai jartzea da. Oraingo honetan, naturaren aldaketak eta prozesuak, bertoko nortasuna, guztionaren eta bakoitzarenaren arteko lotura, edo zaintzaren garrantzia izan dira, besteak beste, erakusgai jarritako proposamenetako askoren abiapuntua. Aretoaren 
kanpoaldean, bideo batek ikasturtean zehar ikastetxeetan garatutako sormen-prozesuaren laburpena erakusten du. Erakusketak amaiera ematen dio ziklo artistikoari, eta jendaurrean aurkezten du egindako lana. Bisitariek ustekabeko aukera izango dute ikuspuntu original bezain freskoez gozatzeko, ideia iradokitzaileak aztertzeko eta ekimenean zehar partaideek izan duten ikasteko eta sortzeko grina bere egiteko. Museoaren programazio artistikoak ingurumenari buruzko hausnarketarako aukerak zabaldu ohi ditu, eta Artea ikasbide proiektuak ere ingurumen-jasangarritasunaren ildo horri jarraitzen dio, bai aurkezpenerako materialen hautaketan, bai proiektuetako askoren gaietan

Elkartrukea

MUSEOAN

Artea ikasbide hezkuntza-programa arteaz baliatzen da metodologia berezi baten bidez Lehen Hezkuntzako curriculuma indartzeko. 2023–24 ikasturtean, sei ikastetxetako neska-mutilek Museoko beste horrenbeste artista izan dituzte bidelagun sormenez betetako abentura batean.

Artea ikasbide | Guggenheim Bilbao Museoa

Martha Jungwirth

Artistari eta komisarioari elkarrizketa

Occident

205. Objektuak eta pertsonak

206. Bidaiak eta ihesbidea

207. Animalia ikonografia gisa

209. Artearen historia

Martha Jungwirth (Viena, 1940) artistarentzat, bere gorputzak sorkuntzaprozesuan daukan inplikazioa jasotzen duen egunkari moduko bat da artea. Jungwirthen ustez, marrazki eta pintura bakoitza bere izaeraren luzapen dinamikoa da, non lerroz eta orbanez osatutako egitura adimendunak sortzen baitira, mugimenduek eta emozioek bultzatuta. Haren lana jariakortasunean, gardentasunean eta irekitasunean zentratzen da, eta handitasun-irrika orotatik aldentzen da landu gabe, zentsuratu gabe eta apaindu gabe dagoen hori arakatu nahian.
Jungwirthen obra, beraz, oroimena eta irudikapena elkarrekin solastatzen diren eremu batean kokatzen da. Artistak pertzepzio guztiz pertsonalak islatzen dituzten forma plastiko bihurtzen ditu bere bizipenak. Iturri gisa balio diona iradokitzen duten keinu-formen eta emozioz beteriko koloreen bidez, Jungwirthen margolanek kategorizazio estilistiko sinpleetatik harago doan leku bat hartzen dute, abstrakzioaren eta figurazio sotilaren artean kulunka. Haren espektro artistikoaren baitan, koadroetako batzuk pintzelkada ugariz hornituta daude, eta beste batzuk, berriz, trazuen urritasunagatik nabarmentzen dira. Horren emaitza zera da, abstrakzioaren eta mundu fisikoaren irudikapenaren artean dagoen tentsioaren esplorazioa.
Jungwirthen lehen lanek erraietakoa eta subjektiboa denari buruzko ikuspegi berezia erakusten dute, espresionismo abstraktuaren eta emozioz betetako tasun gordinaren arteko fusioa; uztarketa horretatik abiatuta garatu du artistak bere estetika aparta. Jungwirthen ekoizpenean etengabeko eboluzioa nabari da, eta artistak askotariko gaiak lantzen ditu, izan autorretratu introspektiboak, paisaiak edo are gaur egungo gertaera globalak (Australiak 2019–20an pairatu zituen suteak, adibidez).
Erakusketa honetan 70 lan daude ikusgai, Jungwirthen lehen marrazkiekin hasi —figurazioaren eta abstrakzioaren arteko mugen arakatze-ariketak— eta Francisco de Goya eta Édouard Manet inspiraziotzat dituzten azken margolan sailekin buka. Erakusketa gaika antolatuta dago, eta askotariko piezak aurkezten ditu: marrazkiak, akuarelak, olio-pinturak eta euskarri desberdinetan —nola diren eskuz egindako papera, kontu-liburuak, kartoi mehea eta abar— osatutako artista-liburuak. Ezohiko material horiek zoriaren aldagaia sartzen dute sortze-prozesuan, eta bat-batekotasuna eta dinamismoa sustatzen dituzte. Jungwirthek bere adierazpen artistikoaren mugak behin eta berriz gainditzeko eta zabaltzeko baliatzen dituen ikerketa tematikoak eta berrikuntza plastikoak ezinbestean baldintzatzen dute artearen munduan lortu duen toki berezia.
Aretoak: 205, 206, 207 Eta 209 
Komisarioa: Lekha Hileman Waitoller
 
Martha Jungwirth 
Maja I, Francisco de Goya, Maja sailekoa 
(Maja I, aus der Serie Francisco de Goya, Maja), 2021 
Olio-pintura paper gainean, mihise gainean muntatua 
238,8 x 299,6 cm 
Brauner Collection 
© Martha Jungwirth, Bilbao, 2024 
Argazkia Sebastiano Pellion

Martha Jungwirth, keinua eta kolorea

Maisu handiak oinarri

Jungwirthen Vienako estudioan

Martha Jungwirth erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.

Martha Jungwirth (Viena, 1940) artistarentzat, bere gorputzak sorkuntzaprozesuan daukan inplikazioa jasotzen duen egunkari moduko bat da artea.

Martha Jungwirth | Guggenheim Bilbao Museoa

June Crespo. Baskularra

Aurkezpen-Hitzaldia

June Crespo

June Cresporen (Iruñea, 1982) eskultura-praktika hainbat ikerketaildo eta bide garaikideren bidegurutzean kokatzen da artistak berak hala erabakita. Alde batetik, elkarrizketa eraldatzailea ezartzen du azken hamarkadetako euskal artea markatu duten kontzeptuekin, “pare mugikorrekin”: abstrakzioa eta keinua, tragikotasuna eta opakutasuna, arintasuna eta bitxikeria... Bestetik, duela gutxira arte eztabaida handietan premiazkotzat jotzen ez ziren zenbait gairi heltzen die, bereziki sentsibilitate feministari eta bizimodu modernoak naturarengan eragindako suntsiketaren gaineko kontzientziari — hain zuzen ere produkzio- eta erreprodukzio-ziklo industrial eta postindustrialek eta Antropozenoaren higadurak natura dagoeneko erabat menderatuta daukaten honetan—.
Gaurdaino, materialtasunaren izaera bizi eta aktiboa beti egon da Cresporen jardunaren baitan, eta Baskularra erakusketaren proiektuaren oinarri-oinarrian ere badago. Guggenheim Bilbao Museorako prestatutako erakustaldi honen xedea Cresporen obrari buruzko gainbegiratu bat eskaintzea da, baita artista orain arte bere lanean jorratu gabeko eskalak esploratzera bultzatzea ere. June Cresporen eskulturek askotariko elementuak —landareetatik ateratako moldeak, erabilitako arropa edo oihalak, eraikuntzarako piezak, hormigoizko molde-lanak, aldizkariak— biltzen eta nahasten dituzte, ensanblaje apurtzaileetan elkartzen dituzte, eta eskala-aldaketak egiten dizkiete; hala, azpimarratu egiten dute zer-nolako kontraste bortitza dagoen bizitako materialaren eta gure bizitza hesitzen eta bideratzen duten elementu estrukturalen artean, izan hodiak, txapak, moldeak nahiz kofratuak. Osagai horiei guztiei zurtoinak atxikitzen zaizkie edo oihalezko piezak zein paper zatiak geratzen zaizkie loturetan harrapatuta, eta eragiketa teknikoen, higaduren eta istripuen arrastoak antzematen zaizkie. Tenkagailuen bidez lotuta edo besterik gabe bata bestearen kontra jarrita, elementuek etengabe galdekatzen dute elkar.
Azken zazpi urteetan egindako obrak biltzen dituen Baskularra erakusketa aparteko ekoizpen berri baten inguruan dago egituratuta, eta Cresporen sail askotan errepikatutako formak, keinuak eta galderak elkartzen dira bertan. Horren adibide da argazkien erabilera eskultoriko edo are arkitektonikoa —lurrean jarritako inpresio erraldoi bihurtuta—, bai eta ekoizpen industrialeko zein eraikuntzako euskarrien —lanmahaiak, eskailerak, plataforma jasotzaileak— erabilpena; azken horiek espazioan zehar aldraka ageri diren forma begetal, tubular eta zilindrikoen oinarri-lana egiten dute. Baskularra erakusketak June Cresporen pieza bakoitzaren barne-komunikazioa eman nahi du aditzera, baina proiektuan dauden obra guztien arteko transmisioak ere iradokitzen ditu, ontzi komunikatu eta kapilar-sare gisa jokatzen baitute, bai materialei dagokienez, bai Crespok eskulturan azalerarazten dituen eskarifikazioei eta markei dagokienez ere.
Aretoa: 105 
Komisarioa: Manuel Cirauqui
 
June Crespo 
Baskularra (5) [Vascular (5)], 2024 
Altzairuzko txapa malkodun kurbatua eta alfonbrak 
150 × 300 × 293 cm 
Artistaren eskaintza 
© June Crespo, Bilbo, 2024 
© FMGB Guggenheim Bilbao Museoa, Argazkia Erika Barahona Ede

Biografia

Ikus-entzunezkoa

JUNE CRESPO. BASKULARRA erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.

June Cresporen (Iruñea, 1982) eskultura-praktika hainbat ikerketaildo eta bide garaikideren bidegurutzean kokatzen da artistak berak hala erabakita. Alde

June Crespo. Baskularra | Guggenheim Bilbao Museoa

Online Arte-Ikastaroa: Film & Video. Irudia mugimenduan bitarteko artistiko gisa

Metahaven: Kaosaren teoria

Metahaven izenarekin ezagutzen da Herbehereetan bizi diren Vinca Kruk eta Daniel van der Velden artistek osatzen duten biko ospetsua. 2007an sortako kolektibo horren lanek artearen, zinemaren eta diseinuaren arteko mugak gainditzen dituzte. Metahaven itzal handiko forma-sortzailetzat jotzen da kultura kritiko eta post-digital garaikidearen eremuan, askotariko baliabideak jorratzen baititu, besteak beste, mugimendudun irudia, museografia, grafismoa eta diskurtso teorikoa.
Kolektiboak sortutako pieza zinematografiko berrienetako bat ikus-entzunezko poema hunkigarri bat da: Kaosaren teoria (Chaos Theory, 2021). Bi pertsonaiaren arteko elkarrizketa du ardatz, X (Valentina Di Mondo) eta Y/Z (Georgina Dávid/Lucie de Bréchard), zeinek gogoetatsu aurre egiten baitiete mundu garaikideari eta bertan ematen diren elkarri lotutako gertakarien fluxuei. Kaosaren teoria lengoaia narratibo konbentzionaletatik eta informazioaren teknologiaren logika bitarretatik urruntzen da, eta, beraz, kontakizun ez-lineala da, fikzioen eta gertaeren, errealitateen eta amets partekatuen arteko zatiketei aurre egiten diena. Amsterdamen kanpoaldean filmatu zen, eta pelikularen paisaia definitua ez dator bat ametsetako eszenekin eta gidoiaren izaera ireki eta poetikoarekin. Halaber, obra instalatzean jarraitutako planteamendu berriak pantailaren muga fisikoak hausten ditu Museoko areto nagusian barrena hedatzen den ehunezko pieza baten bidez. Ehundutako materialek istorioan agertzen diren objektuen eta patroi bisualen berri ematen dute, datu-puntuei eta bektore grafikoei erreferentzia eginez. Garraio publikoetan erabili ohi diren tapizerien testura eta koloreak gogorarazten dituen ehundura trinko batean egiten dute bat guztiek.
Halaber, Metahavenen bideo-instalazioa gelaurrean ikusgai jarritako pieza brodatu eta objektu ugarirekin ere badago lotuta; hain zuzen ere, proiektu filmikoaren dokumentu eta fotograma gisa ulertzen dira horiek guztiak. Horrenbestez, Kaosaren teoria ez dago bere horretan aurkeztuta, Geziak (Arrows, 2020) eta Kimuak (Blossoms, 2021) sailetako piezekin baizik —formatu txikiko tapizak eta plastikozko poltsen eta kirol-jaken gainean egindako brodatuak-—, baita Istorioetan elkarbizitzan (Living Together in Stories, 2022) izeneko bideo- eta ehun-triptikoarekin ere. Paisaia onirikoak, abstrakzio grafikoak eta mundu organikoko sinboloak elkarren ondoan jarrita, artistek jakintzat ematen duguna berrikustera eta enpatiak, identitate jariakorrek eta interdependentziak definitutako etorkizuna irudikatzera gonbidatzen gaituzte.
Aretoa:103 
Komisarioa: Manuel Cirauqui
 
Metahaven 
Kaosaren teoria(Chaos Theory), 2021 
Kanal bakarreko filma, 25 min (fotograma). 
Artistaren eskaintza

Metahaven izenarekin ezagutzen da Herbehereetan bizi diren Vinca Kruk eta Daniel van der Velden artistek osatzen duten biko ospetsua. 2007an sortako

Metahaven: Kaosaren teoria | Guggenheim Bilbao Museoa

Guggenheim Bildumako Pop artea

Ikurrak eta objektuak. Guggenheim Bildumako Pop artea

Bisita gidatua

BBK_new

203 Aretoak

202 Aretoak

208 Aretoak

"Pop mugimendua 1950eko hamarkadaren bukaeran sortu zen Ingalaterran, eta AEBn errotu zen zenbait kritikariren babesa jaso ondoren. Haietako bat Lawrence Alloway idazle eta komisario britainiarra izan zen; 1958an hark erabili zuen lehen aldiz “Pop art” terminoa, eta 1963an Six Painters and the Object erakusketa aitzindaria antolatu zuen New Yorkeko Guggenheim Museoan.
Erakusketa hartarako hasiera batean pentsatu zuen titulua Signs and Objects izan zen, eta horixe bera da Guggenheim bildumetako artelan-sorta honetarako aukeratu dugun izenburua. Bigarren Mundu Gerraren ondoren Estatu Batuetako gizartean nagusi ziren bizitasun ekonomikoak eta kontsumismo hasiberriak bultzatuta, Roy Lichtenstein, Claes Oldenburg, James Rosenquist eta Andy Warhol bezalako artistek kultura herrikoi edo popularrak —hitz horretatik dator, hain zuzen ere, arte-mugimenduaren izena— berezkoa duen lengoaia bisuala aztertu zuten, eta inspirazio-iturri gisa erabili zituzten iragarkiak, egunkariak, argitalpen merkeak, publizitate-hesiak, filmak, komikiak, baita erakusleihoak ere. 
Pop arteak berekin zekartzan hoztasuna eta itxura gogor eta inpertsonala eraso zuzena izan ziren “goi-mailako artearen” tradizio ohoratuaren aurka, bai eta aurreko belaunaldiko espresionista abstraktuek —tartean Jackson Pollockek eta Willem de Kooningek— defendatu zituzten keinu pertsonalean eta pintzelkada askean jarritako enfasiaren aurka. Erakusketa honetako artelanetan umorea, asmamena eta ironia dira nagusi —zenbaitetan artelanak eraldatzeraino—; lanok kultura herrikoiaren gorespen argi gisa hardaitezke, eta, era berean, baita haren gaitzespen garratz gisa ere."
Aretoak: 201, 202, 203, 204 eta 208 
Komisarioak: Joan Young eta Lauren Hinkson
 
Roy Lichtenstein 
Grrrrrrrrrrr!!, 1965 
Olio-pintura eta Magna mihise gainean 
172,7 x 142,5 cm 
Solomon R. Guggenheim Museum, New York 
Artistaren dohaintza, 1997 
© Solomon R. Guggenheim Foundation, New York. 
Eskubide guztiak erreserbatuta

Ikurrak eta Objektuak

Kartoiaren bizi-zikloa

Pop Artworks

IKURRAK ETA OBJEKTUAK. GUGGENHEIM BILDUMAKO POP ARTEA erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.

 BISITA BIRTUALA

"Pop mugimendua 1950eko hamarkadaren bukaeran sortu zen Ingalaterran, eta AEBn errotu zen zenbait kritikariren babesa jaso ondoren. Haietako bat Lawrence

Ikurrak eta objektuak. Guggenheim Bildumako Pop artea | Guggenheim Bilbao Museoa

Giovanni Anselmo. Ostertzaz gaindi

Erakusketa ibilbidea

Gida didaktikoa

Norabidea (Direzione), 1967–68

Tortsioa (Torsione), 1968

Titulurik gabea (Kotoi bustia beiraren kontra jaurti eta bertan geratzen da), 1968

Grabitazio unibertsaleko interferentzia, 1969–2016

Ikusezina (Invisibile), 1971

Panorama eta hura erakusten duen eskua, 1982–84

Itsasoz haraindirantz (Verso oltremare), 1984

Titulurik gabea, 1984

Giovanni Anselmok (Borgofranco d’Ivrea, 1934–Turin, 2023) 1960ko hamarkadako Italian hasi zuen bere ibilbide artistikoa. 1965eko goiz batean Stromboli sumendiaren gailurrean bizi izan zuen esperientzia argigarriak berebiziko eragina eduki zuen haren obran. Ostertzean agertzen hasi berri ziren lehen eguzki-izpiek zeruaren handitasunean islatu zutelarik haren itzala, etengabe aldatzen ari den unibertso amaigabe baten parte zela jabetu zen artista. Harrezkero, Anselmok fenomeno naturalen ordenan eta ibilbide ziklikoan jarri zuen arreta, eta energia, espazioa, denbora, orientazioa, eremu magnetikoak nahiz planetaren grabitazio-indarrak ohiko gai bihurtu ziren haren lanean. Dagoeneko existitzen ziren materialak erabiliz sortu zituen piezek agerian jartzen dituzte, modu aktibo eta hautemangarrian jarri ere, hemen eta orain inguratzen gaituzten energia latenteak, baita kosmosa zuzentzen duten dinamiken izaera neurtezina ere. Haren obrak ikusgai denaren eta ikusezin denaren arteko muga liluragarrian daude.
Arte Poveraren erreferente nagusitzat hartzen bada ere, Anselmo gai izan zen bere ibilbidea etiketa edo sailkapen oro saihestuta garatzeko. Artistaren praktika goitik behera aztertzen duen erakusketa hau ibilbide modura antolatuta dago, jario etengabe modura, eta lotura berriak ezartzen ditu Anselmoren jarduneko obrarik enblematikoenetako batzuen eta erakustaldi honetarako berariaz sortutako beste batzuen artean. Artista joan den abenduan zendu zen, baina hil baino egun batzuk lehenagora arte buru-belarri parte hartu zuen erakusketaren prestakuntzan. Horregatik, artistaren bizitasunaren sakontasuna, haren ondarearen handitasuna eta bere ekarpenaren zentzua fideltasunez transmititzea da, inoiz baino gehiago, Giovanni Anselmo. Ostertzaz gaindi erakusketaren helburua.
Aretoak: 205, 206, 207 eta 209 
Komisaria: Gloria Moure 
Antolatzailea: Guggenheim Bilbao Museoa
 
Giovanni Anselmo 
Titulurik gabea (Kotoi bustia beiraren kontra jaurti eta bertan geratzen da) 
[Senza titolo (Il cotone bagnato viene buttato sul vetro e ci resta)], 1968 
Beira, kotoia, zink-baldea, zakua, ura eta zerrautsa 
210 x 210 x 50 cm 
The Sonnabend Homem Collection. Maileguan honi emana: Fundação de Serralves – 
Museu de Arte Contemporânea de Serralves, Oporto 
© Giovanni Anselmo 
Argazkia © Filipe Braga

Didaktika

Giovanni Anselmo

Ikusezina ikusgai

Giovanni Anselmo. Ostertzaz gaindi erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.

Giovanni Anselmok (Borgofranco d’Ivrea, 1934–Turin, 2023) 1960ko hamarkadako Italian hasi zuen bere ibilbide artistikoa. 1965eko goiz batean Stromboli

Giovanni Anselmo. Ostertzaz gaindi | Guggenheim Bilbao Museoa

15€ Helduak - 7.5€ Erretiratuak - 7.5€ Ikasleak

Guggenheim Bilbao Museoaren TopARTE ekimenak ingurune hurbileneko erakunde eta eragile kulturalekin duen konpromisoa berretsi nahi du. Elkarlan emankor horren ondorioz, askotariko programa bat sortu da; diziplina anitz biltzen ditu, eduki eta formatu ugari, eta guztiei zuzenduta dago.
Horrenbestez, ekimen horren esparruan, hainbat diziplinatako jarduerak aurkezten dira Museoan; besteak beste, arkitektura, zinema, dantza, diseinua, gastronomia, musika, performancea eta antzerkiarekin erlazionatutakoak.

Non gauden

Irisgarritasuna

Zerbitzuak

Gomendioak

Baliabideak

Inguruan

Argibideak

Ordutegia eta tarifak

Eraikina

Jarduerak

Guggenheim Bilbao Museoaren Bildumako artelanak

Nahitaezkoak

Artelanak

Kontserbazioa

KOSMO

Bilduma

Prestatu zure bisita

Bisita gidatuak eta taldeak

Ibilbideak

ZERO

Bisita liburua

Lan eskaintzak

Basque Artist Program

Hilla Rebay bekak

BASQUE INTERNSHIPS 2024

Enplegua eta praktikak

Egungo Kide Korporatiboak

Onurak

Ekitaldi korporatiboak

Museoaren irudia

Proiektuak babestea

Enpresen babesa

Kanpoaldea

Barrualdea

Eraikuntza

Frank Gehry

Denak

GBInsights

Bisita birtualak

Esperientziak

Ikuspuntuak

Dokumentalak

<div>
Abandoibarra etorbidea, 2 48009 Bilbo
</div>

HARREMANETARAKO

Argibideak: Museora bisitaldiak, sarreren salmenta, erreserbak, ordutegiak… 
<a href="mailto:informacion@guggenheim-bilbao.eus">informacion@guggenheim-bilbao.eus</a>
Jarri gurekin harremanetan: 
<a href="mailto:contacto@guggenheim-bilbao.eus">contacto@guggenheim-bilbao.eus</a>