Buru-estudioak, ca. 1504–05

Leonardok Florentziako Palazzo Vecchio jauregiko Bostehunen Aretoa apaintzeko enkargua jaso zuen; hain zuzen ere, Anghiariko gudua —1440an Florentziako gudarosteak Milanekoa garaitu zuenekoa— irudikatzen zuen eszena bat eskatu zioten. Urteak eman zituen horma-irudi hartan lanean, baina hura amaitu gabe alde egin zuen Leonardok Florentziatik Milanera, eta XVI. mendean suntsitu egin zituzten hark amaituta utzitako zatiak. Garai hartako kronikez gain, kopiak eta Leonardok prestalan gisa egindako marrazki batzuk besterik ez dira gelditzen legendazko obra hartatik. Hemen ikusgai den honetan, bi buru-estudio fisonomiko ageri dira, erretratuak itxuraz. Buru handienak milandarren buruzagi mertzenarioak florentziar kapitainarekiko borrokan erakutsitako amorru neurrigabea irudikatzen du.