Ibilbide Azkarra
Denbora gutxi baduzu, hautatu Museoan gaur ikusgai dauden ekitaldi artistiko eta elementu arkitektoniko nagusiak, eta ahalik eta gehien gozatu zure bisitaldiaz.
Atrioa
1. solairua, Atrioa
Igo zaitez hirugarren solairura: 304 aretoaren aurrean dagoen balkoitik ikusmira zoragarria dago Atrioa begiratzeko, hau da, Frak Gehryren diseinu arkitektonikoaren punturik garrantzitsuena behatzeko. Artearen eta arkitekturaren arteko joko interesgarria ere ikus dezakezu begiratoki horretatik. Gozatu Jenny Holzer, El Anatsui, Sol LeWitt zein Lucio Fontanaren obrez ikuspegi berri batetik begiratuta.
Denboraren materia
2. solairuko balkoia
204 aretoaren aurrean dagoen balkoitik, beha itzazu Richard Serraren Denboraren materia (1994–2005) instalazioa osatzen duten zortzi eskultura erraldoiak. Obra egitea erronka itzela izan zen —punta-puntako teknologiari esker lortu zen—, eta instalatzea ere oso konplexua izan zen, altzairuzko plantxak ikaragarri astunak baitira eta haien gainazala, berriz, oso hauskorra.
Richard Serra
Denboraren materia (The Matter of Time), 1994–2005
Altzairu herdoilkorra
Neurri aldakorrak
Guggenheim Bilbao Museoa
