Uholdearen ondorengo goiza

Paul Pfeiffer
Uholdearen ondorengo goiza (Morning After the Deluge), 2003
Kanal bakarreko bideo digitala (koloretan, soinurik gabea; 21 min 3 s)
M+, Hong Kong
© Paul Pfeiffer. Eskaintza: Paul Pfeiffer; Paula Cooper Gallery, New York; carlier | gebauer, Berlin/Madril; Perrotin; eta Thomas Dane Gallery, Londres
Argazkia: Zak Kelley

Uholdearen ondorengo goiza artistak berak grabatutako bideo bakanetako bat da; Cape Cod-eko egunsentia eta ilunabarra ageri dira bertan, eguzkia irteterakoan eta sartzerakoan denbora errealean egindako hainbat grabaziotan oinarritutako irudi konposatu bakar batean elkartuta. Artistak honela dio: “Zentzu batean, Uholdearen ondorengo goiza giza irudiaren azterketa bat da: mendebaldeko artearen historian duen lekua eta aro digitalaren hastapenetan duen desintegrazioa. Ihes-puntu bakarreko perspektiba klasikoan ikuspen-lerro desberdinek zerumugan egiten dute bat, puntu teorikoan, non denak egiten duen atzera infinituraino. Zerumuga da paisaia batean kokatzeko funtsezko erreferentzia bisuala. Erlazio hori, ordea, aldarazita ageri da Uholdearen ondorengo goiza lanean: zerumuga goratuta dago, plano piktorikoan zehar balebil bezala; eguzkia, berriz, puntu finko bihurtzen da, aingura bisual modukoa alderantzizko munduan”.