Holandar etxaldea, argi eta itzalen artean, 1635–36
Rembrandtek maisuki landu zuen argia: izan argitasun espirituala, izan Holandako landako etxalde zahar baten horma argitzen duen eguzkia, marrazki honek erakusten duenez, non ikusten baita maisuak Amsterdameko aldirietan barrena egindako ibilaldi luzeetan marraztu zituen lehen landetxeetako bat. Udako eguzki bizia iradokitzen dute tinta arrearen tonu sakonek eta paperaren gainazal zuriak, artistak bere horretan nahita utzia. Horman gora doan mahatsondoak gizakiaren presentzia iradokitzen du, eszenaren pintura-kualitateak nabarmentzeaz gainera.