Proiekzioak, Teatro Realen Artxiboa

Teatro Realen Artxiboko proiekzio-sorta: opera-ekoizpen handiak, kontzertuak, dantza-ikuskizunak eta antzezlanak. Eskainiko den aukeraketan, pieza klasikoak nahiz sortu berriak egongo dira ikusgai, eta formatu handian gozatu ahal izango dira.

Programa:

Mark Morris Dance Group
Georg Friedrich Händel-en musika

Bere ibilbideari eta zuzeneko musikarekiko konpromisoari jarraiki, Mark Morris koreografo estatubatuar ospetsuak honako hauen laguntza izango du ikuskizun honetan: Jane Gloverren musika-zuzendaritza eta Sarah-Jane Brandon eta Elizabeth Watts sopranoak, James Gilchrist tenorea eta Andrew Foster-Williams baxua; horiek guztiek, Teatro Realeko Koru eta Orkestra Titularrekin batera, Händel-en L'Allegro, il Penseroso ed il Moderato partitura ederra interpretatuko dute. Bi ekitalditan banatuta dago, eta Morrisek William Blakeren pinturetan inspiratutako 32 eszena birsortzen dituen ekoizpen hau 2014an burutu zen.

Iraupena, gutxi gorabehera: ordu 1 eta 40 min
Elkarrizketak ingelesez
Garaiz iritsi, mesedez
*Jarduerak eta programak aldaketak izan ditzakete