206. gela

Gela honetan, Eliasson-ek goiztiar egindako obrak biltzen dira, eta egun haren artean darraiten interesak agertzen dira. Eliasson-ek Leiho-proiekzioa (Window projection, 1990) eta Izangaia (Wannabe, 1991) sortu zituen oraindik ere artearen eskolan ikasten zebilela. Obra horietan era askotako argiak erabiltzen ditu espazioaren eta arkitekturaren esperientzia aldatzeko. Garai hartako artistaren lan askorekin gertatzen den moduan, mekanismoa oso sinplea izateaz gain, beti agerian egoten da.

Eliasson-ek beti izan ditu hizpide natura eta klima. Hasieratik, Islandiako paisaiako esperientziak lotuko ditu haren eskultura eta instalazioekin, eta Olatu-makinak (Wavemachines, 1995) bezalako pieza batzuetan, naturako fenomenoak birsortzen saiatzen dira. Likenezko horma (Moss wall, 1994) Eskandinaviako elur-oreinek jaten duten likenarekin sortu zuen, eta horrela, artistak kanpoko material ezustekoa sartuko du museoaren barruko espazio kontrolatuan. Obraren usainak eta ehundurak ere zentzumenetan eragina dute.