Yoshitomo Nara

2024.06.28 - 2024.11.03

Datak: ekainak 28–azaroak 3, 2024
Komisarioa: Lucía Agirre
Babeslea: BBVA Fundazioa
Guggenheim Bilbao Museoak antolatua Museum Frieder Burda-rekin (Baden-Baden) eta Hayward Gallery-rekin (Londres) lankidetzan

Yoshitomo Nara bere belaunaldiko artistarik ospetsuenetako bat da, eta oso ezagunak dira haren buru eta begi handiko haur-irudi bereziak —itxura mehatxagarria, desafiatzailea eta lotsagabea izaten dute askotan, baina baita malenkoniatsua eta zalantzatia ere—.

Nararen pertsonaiak, haren figurak eta animaliak, bere buruaren isla dira: haurtzaroko oroitzapenak, bizi-esperientziak eta musikaz, arteaz eta gizarteaz —Japoniakoaz zein atzerrikoaz— duen ezagutza ditu sormen-iturri.

Bere obran behin eta berriz agertzen diren motiboek —teilatu gorriko etxea, kimuak, putzua, kutxa, itsasontzi urdina eta basoa— agerian jartzen dute bere ibilbidean zehar pentsamendu-jarraitutasun bati eutsi diola, eta bere garapen estilistikoa nabarmentzeko ere balio dute.

Nararen obrari museo garrantzitsu batean eskainitako lehenengo bakarkako erakusketa handia da hau, eta berariaz antolatuta dago Guggenheim Bilbao Museoaren erakustaretoetarako. Ondoren, Baden-Badenera eta Londresera eramango dute, eta horietan ere berariaz moldatuko dute guneetako bakoitzaren berezitasunetara.

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.