Programazioa 2021

Guggenheim Bilbao Museoaren Zuzendariak eta Arte-arduradunek 2021eko programazio artistikoa osatzen duten erakusketak aurkeztu dituzte

Guggenheim Bilbao Museoaren Zuzendari Nagusiak, Juan Ignacio Vidartek, eta Lucia Agirre, Manuel Cirauqui, Lekha Hileman Waitoller eta Petra Joos Museoaren Arte-arduradunek 2021erako programatutako zortzi erakusketen gakoak azaldu dituzte. Aurtengo programazio artistikoaren kalitatea eta aniztasuna aurkeztu dute, mota desberdinetako ikusleentzat erakargarriak izango diren erakusketen bidez.
Anbizio handiko programazio honetan, emakume artisten protagonismoa nabarmena izango da urte osoan
zehar Museoko aretoetan.

Bisitariek, besteak beste, Bilboko fin de siècle garaiko margolarien lanak, aurreko mendeko hogeiko hamarkadan Europak bizitako urte eroak eta bideo-arte garaikidearen hainbat proposamen izango dituzte ikusgai. Alice Neel-en pintura eta 1860–1980 urteetan emakume artistek abstrakzioari egindako ekarpenari eskainitako erakusketak ere azpimarratzekoak izango dira.

Hona hemen erakusketak, ordena kronologikoan.

Deskargatu PRENTSARAKO TXOSTENA

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.