Marrazten ikasiz: Landareen mundua

Marrazteak gelditzera, begiratzera eta berriz ere begiratzera behartzen gaitu. Ikastaro honetan, landareen mundua inspirazio-iturri nekaezin izango dugu. Saioek aurrera egin ahala, hainbat teknika erabiliko ditugu, ikatz-ziria, akuarela eta errotuladoreak, besteak beste, eta margotzeko euskarri ugarirekin esperimentatuko dugu. Ikastaroa urritik maiatzera bitartekoa izango da, eta hurrenez hurreneko tailer gisa planteatuta dago.

Saioen gidariak: Raúl Dominguez

Larunbatak, 17:15–18:45

Iraupena: 90 min
Adina: 6-10 urte
Hizkuntza: gaztelania

Azaroak 2, larunbata: Egin eta desegin

Espazio negatiboak behatuz marraztuko dugu, iruditik hondora eta hondotik irudira igaroz. Ahokaduraz eta proportzioez ikasiko dugu modu ludikoan.

Azaroak 9, larunbata: Landareen inbentarioa

Zure inguruko zenbat landare bereizteko eta marrazteko gai zara? Botanikariak izango gara, eta landa-lana egingo dugu Museoaren inguruko espedizio batean.

Azaroak 16, larunbata: Baso bat marraztu

Baso batean, zuhaitzak eta landareak elkarrekin komunikatzen ote dira? Basoan ikusten dena eta ikusten ez dena: sustraiak, habiak, gordelekuak, mizelioa… Ikatz-ziriz egindako horma-irudi baten bidez orbanak, argiak eta distirak lantzen ikasiko dugu.

Azaroak 23, larunbata: Utzi zuhaitzari marrazten

Gizakia ez den organismo bati marrazten lagunduko diogu: haizeak zuhaitzen adarretan eragiten dituen mugimenduak jasoko ditugu haietan errotuladore bat jarrita. Zein adarretara iristen gara? Zenbat mugitzen dira? Baina, nor da marrazkiaren egilea?