Arte-gosariak…+65 Gustuko al duzu solasean aritzea?

Museoko boluntario-programarekin elkarlanean egiten dugun ekimenak gai berri bat izango du ardatz oraingoan: —Udaberriko koloreak eta usainak—.

Jardueraren asmoa elkarrizketarako elkargune bat eskaintzea da, kulturan oinarritua, bertan bat egin dezaten denbora, kezkak, esperientziak eta gaurkotasuneko gaiei buruzko iritziak partekatzeko gogoz diren 65 urtetik gorako pertsonek eta Museoko boluntarioek. Giro hurbil eta lasaian egiten diren hizketaldiak dira, eta lotura izaten dute unean uneko erakusketekin nahiz Guggenheim Bilbao Museoaren Bildumarekin. Arte-gosariak borobiltzeko, —ahal den  guztietan—  erakusketa-aretoetara bisitaldia egiten dute parte-hartzaileek Museoko gida baten laguntzaz.

Iraupena: 90 min.
65 urtetik gorakoentzat
Plaza-kopurua mugatua da