Francis Bacon: Picassotik Velázquezera
2016.09.30 - 2017.01.08
Francis Bacon: Picassotik Velázquezera aurkezten du, 80 artelan inguruko erakusketa bat. Irlandan jaiotako britainiar artistaren lanik garrantzitsuenetako batzuk izango dira, eta asko ez dira ia inoiz erakusgai izan. Horiez gain, Baconen ibilbidean eragina izan zuten maisu klasikoen lanak erakutsiko dira.
Erakusketak frantziar eta espainiar kulturak artistarengan utzitako aztarnan sakontzen du; izan ere, Bacon frankofilo sutsua zen eta espainiar maisu handien lanak ondo ezagutzen zituen, besteak beste, Velázquezenak. Parisko Paul Rosenberg galerian Cent dessins par Picasso erakusketa ikusi ondoren, pintore ibilbidea hasi zuen. Literatura frantsesak oso interesatzen zuen eta Racine, Balzac, Baudelaire eta Proust gogoz irakurri zituen; era berean, Frantziako izen handiko artisten arteak liluratzen zuen, besteak beste, hauenak: Manet, Degas, Gauguin, Van Gogh, Seurat, Matisse eta Picasso eta zaharragoak ziren Ingres, Géricault eta Daumier.
Parisen 1920ko eta 1930eko hamarkadetan Picassoren lana ezagutu zuen, baina espainiar kulturarekin harremana ere beste modu batean antzeman daiteke: Velázquezen 1650eko Inozentzio x.aren erretratua lanak obsesionatzen zuen. Jatorrizkoa Doria Pamphilj galerian ikusteko aukera izan zuen, 1954an Erromara egindako bidaia batean, baina lan horretatik abiatuta, motibo bera erabiliz, 50 pintura baino gehiago sortzeko, Velázquezen lanaren kopiak buruan edukitzea nahiago izan zuen. Velázquezen lanez gain, Baconek biziki gogoko zituen beste maisu espainiar batzuen lanak, besteak beste, Zurbaránenak, El Grekorenak eta Goyarenak; Madrilgo Museo del Pradon ikusitakoak ziren.
Guggenheim Bilbao Museoak antolatutako erakusketa, Monakoko Grimaldi Forum-ekin lankidetzan
Francis Bacon
Gurutziltzaketa baterako hiru estudio (Three Studies for a Crucifixion), 1962ko martxoa
Hareadun olio-pintura mihise gainean, hiru panel
198,1 x 144,8 cm bakoitza
Solomon R. Guggenheim Museum, New York, 64.1700
© The Estate of Francis Bacon. All rights reserved. DACS/VEGAP. Bilbao, 2016
Erakusketa
Francis Bacon
Konposizioa (Irudia) [Composition (Figure)], 1933
Pastela, luma eta tinta paper gainean, kartoi gainean muntatua
53,5 x 40 cm
Abelló Bilduma, Madril
© The Estate of Francis Bacon. Eskubide guztiak jabedunak dira.
DACS/VEGAP. Bilbo, 2016
Francis Bacon
Van Goghen erretratu baterako estudioa I (Study for Portrait of Van Gogh I, 1956
Olio-pintura eta harea mihise gainean
152,5 x 117 cm
The Robert and Lisa Sainsbury Collection, University of East Anglia
© The Estate of Francis Bacon. Eskubide guztiak jabedunak dira.
DACS/VEGAP. Bilbo, 2016
Argazkia: Prudence Cuming Associates Ltd.
Francis Bacon
Velázquezen araberako estudioa (Study after Velázquez), 1950
Olio-pintura mihise gainean
198 x 137 cm
Private collection
© The Estate of Francis Bacon. Eskubide guztiak jabedunak dira.
DACS/VEGAP. Bilbo, 2016
Argazkia: Prudence Cuming Associates Ltd.
Francis Bacon
Autorretraturako estudioa (Study for Self-Portrait), 1976
Olio-pintura eta pastela mihise gainean
198 x 147,5 cm
Art Gallery of New South Wales, Eskuratzea 1978
© The Estate of Francis Bacon. Eskubide guztiak jabedunak dira.
DACS/VEGAP. Bilbo, 2016
Argazkia: Jenni Carter, Viscopy
Francis Bacon
Ohean dauden giza irudietarako hiru estudio (Three Studies of Figures on Beds), 1972
Olio-pintura eta pastela mihise gainean, triptikoa
198 x 147,5 cm
Esther Grether Familly Collection
© The Estate of Francis Bacon. Eskubide guztiak jabedunak dira.
DACS/VEGAP. Bilbo, 2016
Argazkia: Bildpunkt AG, Münchenstein
Alberto Giacometti
Gizon baten bustoa marko batean (Buste d’homme dans un cadre), ca. 1946
Olio-pintura mihise gainean
28,1 x 22,4 cm
Fondation Alberto et Annette Giacometti, Paris
© Alberto Giacometti Estate/ VEGAP, 2016
Francisco de Goya
Tauromakia saila (xehetasuna), 1816
Urtinta, akuafortea, xixela eta punta lehorra
40 akuaforte, 31,5 x 47,7 cm (papera)
Bilboko Arte Ederren Museoa
Artista
Bacon, Francis
Ba al
zenekien...?
Artista autodidakta
Francis Baconek modu berezian heltzen zion pinturak margotzeari: oso gutxitan baliatu zen prestaketa-marrazkiez eta mihise zurian margotzen zuen zuzenean. Ez zuen trebakuntza akademikorik izan eta haren estudioetan baino ez zuen lan egiten, salbuespenak salbuespen.
Giza irudiak
Baconen pintura-estiloa abstrakzioaren eta figurazioaren artekoa da. Hasierako lanen abiapuntu garrantzitsu bat izan zen Surrealismoa eta garai hartako lanetan estilo horren eragina nabarmena da. Gerora, giza irudien mugimendua irudikatzen hasi zenean, Eadweard Muybridge-ren xix. mende amaierako argazkiak, giza gorputza mugimendua erakusten dutenak, berebiziko iturri izan zituen.Sexualitatea
Baconek esaten zuenez, gurasoek etxetik bota zuten 1926an, amaren arropak jantzita harrapatu zutenean. Horren ondoren, amak bidalitako diruari esker, hainbat hiritara joan zen bizitzera, non askatasun handiagoz bere burua adieraz zezakeen: lehenengo Londresera, ondoren Berlinera eta azkenik Parisera joan zen.Bizitza eta heriotza
Baconek margotu zituen lehen motiboen artean daude harategietan zintzilik ikusten zituen okela zatiak; azkenean ibilbide osoan landu zituen [ikus Gurutziltzaketa baterako hiru estudio (1962) 205. aretoan]. Baconentzat haragiak bizitzaren eta heriotzaren zikloa adierazten zuen.