“Eskeletoa” eta koloreak

Artista: Ainhoa Ortells
Teknika: Pintura eta eskultura
Ikastetxea: Virgen de la Guía HI (Portugalete)
Ikasmailak: 3., 4., 5. eta 6.ena
Ikasgaiak eta gaiak: Ingurunearen Ezaguera, bizikidetza eta kulturartekotasuna
Irakasleak: Marta Artetxe, Aitziber Milikua eta Eusko Basterretxea

Helburua:

Pertsonen arteko antzekotasunez eta ezberdintasunez jabetzea eta horietaz gozatzea.

Materialak:

Koloretako arkatzak eta paperak, kalko-paperak, artaziak, kola, plastikozko eskeleto bat, tenperak eta pintzelak.

Proiektua:

Abiapuntua honakoa izan zen: gizaki guztiek dugu eskeletoa. Guztiok ditugu hezurrak eta, beraz, antzekoak gara.
Hala ere, horren inguruan eztabaidatu eta ondorioztatu zuten, antzekoak izan arren, bizimodu ezberdinak ditugula, bakoitzaren bizitzak “ñabardurak” dituela, “kolore” jakin bat.
Eztabaida hori bi sormen-ariketetan islatu zuten.
Eskeleto baten fotokopia bat hainbat aldiz kopiatu zuten kalko-paperaz baliatuz.
Beraz, eskeleto beraren hainbat bertsio margotu zuten.
Pinturak eta koloretako paperak erabiliz atzealde bat egin zuten eta eskeletoa koloreztatu zuten, bizitasuna eta nortasuna emateko.
Kolore bakoitza zeren ikur edo sinbolo izan zitekeen aztertu zuten.
Tamaina errealeko giza eskeleto batean, ikasleek hezur handienak izendatu zituzten eta haien funtzionamendua ikertu zuten.
Eskeletoa “Eskeleto” bihurtu zen, pertsonaia bat. Ikasleek “biziarazi” zuten: horretarako kolore sinbolikoz margotu zuten, atzealdeak ipini zizkioten, jantzi zuten... Azken finean, nortasun askoko irudi bihurtu zuten.