Garmendia, Iñaki

Urriaren 9an jaio zen Ordizian (Gipuzkoa).

Arte Ederretako ikasketak hasi zituen Euskal Herriko Unibertsitatean (UPV/EHU).

Erasmus beka bat eskuratu zuen Bristolen, University of the West of England unibertsitateko Faculty of Art, Media & Design fakultatean, ikasteko. École d’art erakusketa inauguratu zuen Bordelen eta Ezkatoz Paristik erakusketa, berriz, Bilboko AEKn.

Arte Ederretan, eskultura espezialitatean, lizentziatu zen UPV/EHUn.

Iñaki Garmendia bakarkako erakusketa inauguratu zuen Ordiziako Barrena Kultur Etxean.

Donostiako Artelekun ospatutako “Ángel Bados-Txomin Badiola tailerrean” parte hartu zuen. Multimedia eta irudi digitalari buruzko ikastaroa egin zuen Londresko Kingsway Collegean.

Gipuzkoako Foru Aldundiaren beka bat eskuratu zuen. Donostiako Arte Ekinbideak (DAE) taldeak antolatuta, Me voy a ir, me voy, estoy ido bakarkako erakusketa inauguratu zuen Donostiako Egia Kultur Etxean.

Eusko Jaurlaritzako Ikus-entzunezko Produkziorako beka bat eskuratu zuen. DAEk antolatutako Superkongresua, encuentro entre creadores artísticos egitasmoan parte hartu zuen Donostiako Egia Kultur Etxean, eta baita Donostiako Koldo Mitxelena Kulturunean antolatutako Rock Radical Vasco, Certamen de artistas noveles izenekoan ere.

Asier Mendizabalekin batera egindako Goierri konpeti bideoa estreinatu zuen Donostiako Kutxa aretoan. Hainbat erakusketetan parte hartu zuen: Taipeiko Bienalean, Ljubljanako Skuc Galerijan egindako Organisational Forms taldeko erakusketan eta Intervenciones TV: Festival de vídeo erakusketan Gasteizen.

Kolpez kolpe erakusketa aurkeztu zuen Bartzelonako T4 galerian. Bere obra ikusgai egon zen Madrilgo Museo Nacional Centro de Arte Reina Sofíako Cine y casi cine erakusketan eta Bartzelonako Centre de Cultura Contemporànian (CCCB) egindako Després de la noticia erakusketan.

Eusko Jaurlaritzaren Gure Artea 2004 lehiaketaren lehen saria eskuratu zuen Ibon Aranberri eta Azucena Vieitesekin batera. New Yorkeko International Studio & Curatorial Programean (ISCP) parte hartu zuen, Berdintasuneko Ministerioko Gazteria Institutuaren (INJUVE) beka bati esker. Egoitza-beka bat lortu zuen Berlineko Künstlerhaus Bethaniengo International Studio Programmean. Bere obra Glocal taldeko erakusketan aurkeztu zen Iruñeko Moisés Pérez de Albéniz galerian. Vrsac eta Belgraden, Serbia eta Montenegron, ospatutako The VI Yugoslav Biennial of Young Artists bienalean parte hartu zuen eta baita Donostian ospatu zen Manifesta 5 Arte Garaikidearen Europako Bienalean ere.

Bere obra ikusgai egon zen Gure Artea: Iñaki Garmendia, Ibon Aranberri, Azucena Vieites erakusketan, Gasteizko Artium Arte Garaikideko Euskal Zentro-Museoko Iparra aretoan.

Only Kids Love Other Kids liburua argitaratu zuen. Red Light/Straight Edge + Izarra aurkeztu zuen Frankfurteko Frankfurter Kunstverein museoan.

Santanderreko Fundación Marcelino Botínen Arte Plastikoen beka eskuratu zuen. Zenbait erakusketa kolektibotan parte hartu zuen: 1, 2, 3… Vanguardias. El arte como arte contextual Bilboko Rekalde aretoan; Imágenes del otro lado Kanaria Handiko Las Palmaseko Centro Atlántico de Arte Modernoko San Antonio Abad aretoan; eta Intensities. Inconformisme, incorrecció i rebel·lió entre art i escena musical erakusketa, El Prat de Llobregat, Mataró, Sabadell, Ripollet, Terrassa, Caldes de Montbui, Caldes d’Estrac, Vilafranca del Penedés eta Sant Boi de Llobregaten.

No R.S. erakusketa inauguratu zuen Iruñeko Moisés Pérez de Albéniz galerian. Ez R.S. (Maitasunezko 99 globo gorri) [No R.S. (99 Red Love Balloons)] lana aurkeztu zuen Municheko Underdox 3. Document und experiment jaialdian. ARTIS Den Bosch fundazioaren Post-production programan parte hartu zuen Den Boschen (Holanda).

Kolpez kolpe bideoa aurkeztu zuen Madrilgo ARCO Arte Azokaren barruan antolatutako EXPANDED BOX programan. Donostiako San Telmo Museoak bere obra eskuratu zuen bere bilduman gordetzeko. Itinerarios 2007/08 taldeko erakusketan erakutsi zuen bere obra Santanderreko Fundación Marcelino Botíneko erakusketa aretoan.

Hangar-Contemporary Image Collective (CIC) artistentzako egoitza-beka eskuratu zuen Kairon. Kolpez kolpe lana aurkeztu zuen Lleidako Centre d’Art La Panerako Centre de Documentació zentroan. Bere obra ikusgai egon zen zenbait erakusketetan: La sombra del habla. Colección MACBA, Seuleko National Museum of Contemporary Art of Korea museoan; eta Art Contemporain et Culture Rock, Baionako (Frantzia) Carrée/Musée Bonnat museoan.

Bakarkako erakusketa bat aurkeztu zuen Bartzelonako La Virreina Centre de la Imatge zentroan eta 1979. Un monument a instants radicals taldeko erakusketan parte hartu zuen zentro horretan bertan. Titulurik gabea (sei erpin) [Sin título (seis picos)] izeneko eskultura aurkeztu zuen Madrilgo ARCO Arte Azokan, Moisés Pérez de Albéniz galeriaren standean. Artiumek obra erosi eta lehen aldiz ikusgai jarri zuen 2012an, Montajes de Atracciones (Tirar del hilo. Colección Artium) erakusketaren testuinguruaren barruan.

Bere obra ikusgai egon zen Materiality taldeko erakusketan, Wyspa Art Foundationean, Gdansken (Polonia) eta Gravity & Disgrace II erakusketan, Centro Galego de Arte Contemporáneon (CGAC), Santiagon.

Police/car erakusketa inauguratu zuen Moisés Pérez de Albéniz galerian, Madrilen. Museu d’Art Contemporani de Barcelonak (MACBA) S/T Orbea (Orduña) bideoa erosi eta La Colección erakusketan aurkeztu zuen. Bere obra Donostiako San Telmo Museoko Europa konstelazioa taldeko erakusketaren barruan erakutsi zen. Guggenheim Bilbao Museoan erakusketaikusgai dago, Erlea Maneros Zabala eta Xabier Salaberriarekin batera.

Hizlari gisa hartu zuen parte Tabakaleraren (Donostia) 03/04 programan: Paradisu galdua programan.

Goierri Konpeti pieza ikusi zen Donostiako Tabakaleran.
Museu d’Art Contemporani de Barcelona (MACBA) museoan antolatutako Punk. Sus rastros en el arte contemporáneo sartu zen haren obran.

Bestea naiz. El otro soy yo. Migraciones políticas y poéticas, Koldo Mitxelena Kulturunea, Donostia.