Arkitektura
Bilbo
Bilbo berria arkitektura eta urbanismoaren gorespena dugu, aire librean dagoen museo bat, munduko arkitekto hoberenen parte-hartzearekin, adibidez: Frank Gehry, César Pelli, Javier López Chollet, Arata Isozaki, Robert Stern, Luis Peña Ganchegui eta Ricardo Legorreta.
Urteetan portuko lanetarako erabili ondoren, 348.000 metro dituen Abandoibarran ikono berriak eraiki dira, horra hor, Kongresu eta Musikaren Euskalduna Jauregia, Bilboko Itsasadarra Itsas Museoa, Zubiarte merkatalgunea eta Iberdrola dorrea. Bilboko zabalgunearen eraldaketa honako eraikinekin osatzen da: foru liburutegia, Osakidetzaren egoitza, Isozaki Atea eta Arte Ederren Museoa. Eta haratago joanez, hiriko bazter guztietan lortu dute arkitektura industrialeko eraikinei kutsu dotore eta modernoa ematea, esate baterako, Azkuna Zentroa - Alhondiga Bilbao, Erriberako merkatua, Campos Eliseos antzokia eta kasinoa, besteak beste.
