13 maiatza 2022
Serra/Seurat. Marrazkiak
- Datak: ekainak 9 – irailak 6, 2022
- Komisarioak: Lucía Agirre, Guggenheim Bilbao Museoko arte-arduraduna, eta Judith Benhamou, komisario independientea eta arte idazlea.
- Seuraten marrazkietan garrantzi berezia du artistak erabiltzen zuen eskuz egindako paperak: “bizitza eman” zion material horri, argiak, bolumenak eta kontrasteak sortzeko behar zuen Conté arkatz kopuru justua xurga zezan utzita; horrexek bihurtu zuen, hain zuzen, marrazkigintzaren maisu.
- Richard Serrak ere atsegin hartzen du materialetan, esaterako bere Ramble Drawings (Ibilbide-marrazkiak) lanetan erabili zuen eskuz egindako paper japoniarrean; paper horren fabrikazio-prozesuak eraginda, zuntzek “gorabehera” desberdinak sortzen dituzte eta, beraz, marrazki bat ere ez da bestearen berdina.
- Seurat “artisten artista” da, haietako askok marrazkilari gisa miretsia —besteak beste, Van Gogh, Signac, Picasso eta Moorek beren garaian eta Jasper Johns eta Richard Serra garaikideek—, eta bere marrazkiak kultuko objektuak dira mundu osoko sortzaile eta bildumazaleentzat.
Guggenheim Bilbao Museoak Serra/Seurat. Marrazkiak aurkezten du, XIX. mende amaierako Georges Seurat maisuaren 22 marrazki haren miresle sutsu eta, zalantzarik gabe, gure garaiko artista gailenetakoa den Richard Serraren marrazkiekin bateratzen dituen erakusketa. Denbora-tarte handi batek banantzen baditu ere, biak ahala biak nabarmentzen dira marrazkia bere horretan, bestelako helbururik gabe, landu eta maila berrietara eramateagatik, marrazkiak ezaugarri berritzailez hornitu eta beren obraren beste eremu batzuetara estrapolatzeagatik.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.