Ikurrak eta objektuak. Guggenheim Bildumako Pop artea

2024.02.16 - 2024.09.16

Komisarioak::

Lauren Hinkson eta Joan Young, arte-arduradunak, Solomon R Guggenheim Museum

Babeslea: BBK

Pop artearen hoztasunak eta kutsu inpertsonalak zuzenean eraso zituen “goi-mailako artearen” tradizioak, zeinak ezaugarritzat baitzituen keinuaren espresioa eta pintzelkada askea, aurreko belaunaldiko espresionismo abstraktuko artistek defendatutako alderdiak, hain zuzen.

Erakusketa honetako artelanak burutsuak eta ironikoak dira sarritan, eta kultura herrikoiaren goraipamentzat har daitezke, baina baita haren kontrako kritika garraztzat ere.

Solomon R. Guggenheim Museumek hasiera-hasieratik hartu zuen Pop artearekiko konpromisoa, mugimenduaren baliozkotze instituzionala adierazi zuen 1963ko Six Painters and the Object erakusketa antolatu zuenetik hasia.

Erakusketak biltzen dituen lanetako bat Claes Oldenburgen eta Coosje van Bruggenen Luma-bola biguna monumentala da; haren berealdiko tamainak umorez txikiagotzen du museo-esparrua eta, era berean, azpimarratu egiten du museoak duen eginkizuna, kulturaren eta hezkuntzaren egoitza gisa ez ezik, aisiarako eta entretenimendurako leku gisa ere.

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.