Baby art

Estimuluz jositako jolaserako gunea da, haurtxoen eta beren familien arteko hartu-emana sustatzera bideratua Museoko artelanak elkarrekin ezagutuz doazen heinean. Hilabete honetan, Jenny Holzer edo Lucio Fontana bezalako artisten lanak izango ditugu aztergai; hau da, beren lanetan argia modu berritzaile eta harrigarrian txertatzen duten sortzaileenak. Pieza horietatik abiatuta, argiak gure ingurunea eta pertzepzioa nola eralda ditzakeen ikertuko dugu.

Argia protagonista izango duen tailer honek dibertitzeko eta gauza berriak ezagutzeko aukera ematen duten materialekin jolasteko, sortzeko eta miresmena pizteko abagunea eskainiko digu. Haurtxoen eta haien familien arteko hartu-emanaren bidez, etxeko txikienen jakin-mina piztea du helburu tailerrak eta, horretarako, argiz betetako mini-mundu magikoetan murgilduko dituen ingurunea esploratzera eta bertan erantzunak aurkitzera bultzatzen ditu. Izarrez, argiz eta iluntasunez osatutako unibertso zoragarri bat sortuko dugu eta, nahi izanez gero, zure haurtxoari argazkiak  ateratzen lagunduko dizugu, oroitzapen polit bat eraman dezazun.

Saioen gidariak: Aitziber Aguirre, Mónica Rodríguez-Curiel, Maider Ugarte, Mertxe Periz eta Mónica Martínez

Larunbatak eta igandeak, 11:00–13:00
Azaroak 2, larunbata (euskaraz), eta azaroak 3, igandea: 24–36 hilabete (gaztelaniaz)
Azaroak 9, larunbata, eta azaroak 10, igandea: 12–24 hilabete (euskaraz)
Azaroak 16, larunbata, eta azaroak 17, igandea: 6–12 hilabete (gaztelaniaz)
Azaroak 23, larunbata, eta azaroak 24, igandea: 24–36 hilabete (gaztelaniaz)
Azaroak 30, larunbata, eta abenduak 1, igandea: 24–36 hilabete (gaztelaniaz)

Iraupena: 2 ordu
Adina: 6–36 hilabete
Hizkuntzak: gaztelania eta euskara