Hamaika modu

Lee Krasner
Inperatiboa (Imperative), 1976
Olio-pintura, ikatz-ziria eta papera mihise gainean
127 x 127 cm
National Gallery of Art, Washington D.C.
Dohaintza: Eugene Victor Thaw eta emaztea National Gallery of Art-en 50. urteurrena dela-eta © The Pollock-Krasner Foundation.
National Gallery of Art-ek (Washington D.C.) eskainia

1974an, Krasnerrek bere aurreko artelanak zeuzkan karpeta zahar bat aurkitu zuen, haien artean Hofmann School-en eginiko marrazki batzuk, eta haiek collage-sail berri baterako lehengai gisa erabiltzea erabaki zuen. “Ebaki zehatz” baten bila, guraizeak hartu eta marrazkiei ekin zien, forma angeluzuzenetan moztu eta konposizio dinamikoetan antolatu zituen mihise gainean, halako moduan kokatuz non jatorrizko marrazkien geometriaren ispilu-irudi bat islatzen baitzuten. Orri batzuen atzealdean agertzen ziren irudi espektralak gehitu zituen, eta landu gabe utzi zituen mihisearen beste eremu batzuk, modelo biluzi bat inguratzen duen espazio hutsa iradokiz.

Collageak Pace Gallery-n jarri ziren erakusgai 1977an, Hamaika modu hitzak ikusteko erabiltzeko izenburupean, baina Krasnerrek obra bakoitzari aditz-forma baten izendapena ipini zion. Aurreko lanaren erabilera irudimentsua azpimarratu zuen kritikak.