GIRO ESPAZIALAK

Giro espaziala argi gorriarekin (Ambiente spaziale a luce rossa), 1967
Zur pintatua, beirazko hodiak, neoia eta baliabide anitzak
220 × 600 × 490 cm
Suntsitua
Fondazione Lucio Fontana-baimendutako berreraikitzea – Pirelli HangarBicocca proiektua 2017
© Fondazione Lucio Fontana, Bilbo, 2019

Espazialismoaren lehen deklarazioa, Manifiesto Blanco delakoa, Buenos Airesen idatzi zen 1946an, eta Fontana izan zen haren egileetako bat. Fisikaren azken aurkikuntzak zirela-eta, erlatibitatetik mekanika kuantikoraino, manifestuak teknologia berriak erabili eta artelana laugarren dimentsiora zabal zedin sustatzen zuen. Hiru urte geroago, jada Milanen zegoela, Fontana bere Giro espazialak egiten hasi zen, espazioarekin eta argiarekin esperimentatuz. Horretarako, neoizko hodia baliatu zuen, instalazio-artean beranduago egin zituen garapenetan abiapuntu izan zuen elementua, hain zuzen ere. Diziplina anitz batzen zituen praktikarekin, Fontanak esperientzia artistikoaren nozioa zabaldu zuen, ikuslea inguratzen duen espazioan txertatzeko artelana.