Ibon Garagarza
“Gure inguruan dugun presentzia eta harekiko daukagun elkarreragina beste inon ez bezala nabari dira Zugaztietan. Inguruneari natura itxura ematen edo garai batean izandakoa lakuekin, lur mugimenduekin eta zuhaitzlandaketekin ezkutatzen saiatu arren, ageri-agerikoa da meatzaritza-gunea izan dela. Aurtengo ikasturtean, ostiralero-ostiralero Zugaztietaraino igotzean, nire gogoaldartea aldatuz joaten zen autoko leihatilatik ikusten nuen paisaia aldatu ahala. Ezaguna zait aldarte hori, lagun izaten baitut nire proiektu artistikoetan; inguruan dudan guztiaz erne egotera eta jakin-mina sentitzera bultzatzen nau. Eta jakin-min horixe saiatu naiz transmititzen. ”.
Ibon Garagarza